نيللي كريم تحسم حقيقة خلافها مع محمد رمضان

كشفت الممثلة المصرية نيللي كريم حقيقة ما يتردد في الآونة الأخيرة عن وجود خلاف بينها وبين الفنان محمد رمضان، وفريق عمل فيلم "ع الزيرو".

وقالت نيللي في تصريحات إذاعية: "محمد رمضان هايل ولذيذ ومجتهد جدا وكل مشاهد الأكشن كان بيعملها بنفسه ومبيتعبش وروحنا المنصورة وفي القاهرة الناس بتحبه وبتحتفى به".

وأضافت أنه ليس لديها تعليق حول ما يُنشر عن وجود خلاف مع رمضان، وفريق فيلمها "ع الزيرو"، مؤكدة أنها كانت سعيدة بالمشاركة فيه.

وتابعت: "اعتبر نفسي طلعت ضيفة شرف مش أكتر من كده، وهو فيلم لمحمد رمضان كبطولة والطفل، وأنا معنديش مشكلة مع حد ولكن كان عندي اختلافات في وجهات النظر كممثلة".

وأوضحت نيللي: "شركات الإنتاج معندهاش إدارة الممثل بيبقى بالمشروع لكن محدش قلبه على الممثل إزاي أطلعه بأحسن شكل وأعمله أحسن حاجة وكل منتج بيبقى همه على المشروع ككل والممثلة زيي لو مخططتش وتعبت مع نفسي محدش هيعملي حاجة".

وكشفت نيللي كريم خلال اللقاء عن تواجدها في موسم رمضان 2024 قائلة: "السنة دي إن شاء الله هعمل مسلسل كوميدي وحابة أفرح الناس. أنا تعبت من الدراما الثقيلة وتعبتني نفسيا وزهقت".

يذكر أن نيللي كريم يعرض لها حاليا في السينما فيلم "ع الزيرو"، ويشاركها فيه محمد رمضان، جومانا مراد، إسلام إبراهيم، وشريف الدسوقي. والفيلم من تأليف مدحت العدل، وإخراج ماندو العدل.