ريم طارق تُنهي أزمتها مع شاكوش.. والأخير: كلامك
أكدت ريم طارق انتهاء أزمتها مع طليقها مؤدي المهرجانات حسن شاكوش، مشيرة إلى أن علاقتها بالأخير جيدة، ووصفته بالرجل المحترم.
وقالت ريم طارق في مقطع فيديو فيسبوك: "الحمدلله أخدت كل حقوقي الشرعية من حسن، والحمدلله أني طلعت شخص كويس، وهو كمان شخص كويس، وراجل محترم، وكل اللي حصل ده كان سوء تفاهم وتدخل أكتر من طرف، وأي حد سيرته جت في الموضوع سواء من أهله أو من أهلي أو مامته ف حقهم على راسي وكل شئ قسمة ونصيب".
من جانبه رد حسن شاكوش على رسالة طليقته بعد اعتذارها، لافتا إلى أن سيعفي ويسامح بالرغم من عدم إهانته لها طوال فترة هذه الأزمة.
وشارك مؤدي المهرجانات مقطع فيديو لريم طارق عبر إنستغرام، وعلق عليه قائلا: "أنا أولا بشكرك يا ريم علي كلمه الحق الي قولتيها في حقي دلوقتي وذكرتي انك مشوفتيش مني غير الخير. وقابل اعتذارك علي ما صدر منك".
وأضاف: "أنا مكنش ليا أي رد فعل قدام الناس ومش من تربيتي اني اشهر ببنات الناس حتي لو رد علي كلام يجرحني أو إساءه ليا، مع ان ده كان مقصر عليا نفسيا وعلي اهلي وكل الي حوليا وقابل اعتذارك، وعفا الله عما سلف والمسامح كريم وأتمنالك كل خير في حياتك واشوفك دايما بخير".
وكانت أزمة الثنائي قد تصدرت الترند عبر مواقع التواصل الاجتماعي وتبادلا الاتهامات بعد مرور أشهر قليلة على زفافهما.
